Judith Butler

Un article de Wikipèdia, l'enciclopèdia liura.
Sauter à la navigation Sauter à la recherche

Judith Butler (Cleveland (Ohio), 24 de febrièr de 1956) es professòra al departament de retorica e de literatura comparada de l'Universitat de Califòrnia a Berkeley. Butler es una pensaira feminista e lesbiana de tria. Una de sas contribucions màger es la sèuna teoria sus la performativitat del sèxe e la sexualitat. Sabent que lo constructivisme nos parla de la construccion del genre, o çò que torna al mèsme, que los ròtles de genre son de faches socials e non pas de ròtles naturals. Mas Butler va al delà del genre e afirma que lo sèxe e la sexualitat, luènh d'èsser quicòm de natural, son, coma lo genre, una causa bastida.

Butler arriba a aquela conclusion se basant sus las teorias de Freud e Lacan. D'aquel darrièr, trai lo concèpte d'aquelas posicions sexualas que representan un trauma per las abitar. Davant la paur de causir una d'ambedoas, l'individu se plaça dins una eterosexualitat fallocentrica, es a dire, una eterosexualitat regida per la nòrma de l'imperialisme eterosexual masculin implicant d'assumir la sexualitat eterosexuala qu'implica un sèxe determinat.

En mai de Freud e Lacan, Butler foguèt influenciada per Foucault e Derrida. De Foucault, extrai lo concèpte de poder sens subjècte e que se realiza dins lo poder qu'a lo discors o lo lengatge per crear. Mas aquel discors es un discors sens subjècte, per causa que l'individu a pas de paraulas pròprias, mas per causa qu'es lo mèsme discors que veïcula las valors e las nòrmas; dins aquel cas, lo discors ligat a l'imperialisme eterosexual. De errida, assumís lo concèpte de desconstruccion que, ela, exprimís coma redefinicion del discors, es a dire, lo fach de tornar definir los mots. Un exemple d'aquela redefinicion es lo mot queer, qu'après aver esser una insulta venguèt l'expression per un movement de liberacion e dignitat omosexuala.

Bibliografia (ca) (es)[modificar | modificar la font]

  • Butler, Judith. Et al., El gai saber, introducció als estudis gais i lèsbics, Llibres de l'Índex (2000)
  • Butler, Judith, Mecanismos psíquicos del poder: teorías sobre la sujeción. Ediciones Cátedra, SA. (2001)
  • Butler, Judith. Et al., Mujeres y transformaciones sociales. El Roure Editorial, S.A. (2001)
  • Butler, Judith. El grito de Antígona. El Roure Editorial, S.A. (2001)
  • Butler, Judith. Lenguaje, poder e identidad. Editorial Síntesis (2004)
  • Butler, Judith. Deshacer el género. Ediciones Paidós Ibérica, S.A. (2006)
  • Butler, Judith. Cuerpos que importan. Paidós (2002)
  • Butler, Judith. El género en disputa. Paidós (2001)

Vejatz tanben[modificar | modificar la font]

Ligams extèrnes[modificar | modificar la font]