José Castulo Zeledón

Un article de Wikipèdia, l'enciclopèdia liura.

José Castulo Zeledón es un ornitològ còstarican, nascut lo 24 de març de 1846 dins la region de San José (Còsta Rica) e mòrt lo 16 de julhet de 1923 a Turin.

Es lo filh de Don Manuel Zeledón, governador de la província de San José. Lo jove Zeledón s’interèssa fòrt d'ora als ausèls. Descobrís e apren l’ornitologia alprèp del mètge e naturalista alemand Alexander von Frantzius (1821-1877) que ten una farmàcia a San José. Zeledón trabalha per el e recòlta d'ausèls que fa pervenir a Jean Louis Cabanis (1816-1906) del Musèu de Zoologia de Berlin.

En 1868, A. von Frantzius tòrna en Alemanha. Zeledón partís a Washington ont rencontra Spencer Fullerton Baird (1823-1887). Ven assistent a la Smithsonian Institution. S’amiga amb Robert Ridgway (1850-1929). En 1872, Zeledón tòrna en Còsta Rica per participar coma zoologista a una expedicion conducha per William More Gabb (1839-1878). Zeledón realiza alara la primièra colleccion d’ausèls de la Cordilhièra de Talamanca.

Zeledón repren alara la farmàcia tenguda deperabans per A. von Frantzius e ven un comerçant prospèr. Contunha de collectar d'ausèls e dona sa colleccion al Museum Nacional de Còsta Rica dont la creacion li deu fòrça. Sa colleccion es d'una granda riquesa e conten d'espècias novèlas nombrosas, sovent descrichas per d’autres. Manca d’ajudar los ornitològs que venon estudiar Còsta Rica. Divèrsas espècias li son estadas dedicadas coma la parulina de Zeledón, Zeledonia coronata, per Robert Ridgway (1850-1929) en 1889 e lo tiranèl de Zeledon, Phyllomyias zeledoni, per George Newbold Lawrence (1806-1895) en 1868.