Jordi Muñoz

Jordi Muñoz Bardales (Ensenada, Mexic, 7 de mai de 1986) es un entrepreneire e inventor de dròns mexicanoamerican. Gràcias a sa companhiá cofondada en 2009 amb Chris Anderson, 3D Robotics, es vengut lèu pionièr e menaire dins la construccion e venda de dròns d'utilizacion civila.

Biografia

Jordi Muñoz nasquèt a Ensenada dins una familha modèsta en 1986. Quand passèt los 4 ans, sa familha s'installèt a Tijuana, dins lo nòrd de Mexic, region fòrtament influenciada per Califòrnia. S'interessèt lèu a la tecnologia e subretot a l'electronica e quand aviá pas que 13 ans desmontava e reparava ja tota mena d'aparelhs electronics. Ensagèt de dintrar a l'Institut Nacional Politecnic de Mexic mas i foguèt pas acceptat dos còps, çò que l'incitèt a partir viure als Estats Units amb son amiga.