Joan Frederic Brun

Un article de Wikipèdia, l'enciclopèdia liura.
Sauter à la navigation Sauter à la recherche
Joan Frederic Brun en setembre de 2011

Joan Frederic Brun (en francés Jean-Frédéric Brun, Montpelhièr, 6 de febrièr de 1956) es un escrivan contemporanèu del país de Montpelhièr. Es tanben mètge d'espital e cercaire.

Biografia[modificar | modificar la font]

Joan Frederic Brun nasquèt a Montpelhièr en 1956. Pivelat tre l'adolescéncia per la lenga occitana, s'avodèt a la trabalhar e a l'estudiar de contunh. Aital comencèt a publicar d'òbras tre 1979, çò que li valguèt un acuèlh estrambordat de divèrses escrivans famoses coma Max Roqueta e Bernat Manciet. Collaborava ja a la revista Òc dempuèi 1974.

Èra plan pròche del poèta e escrivan d'Argelièrs d'Erau, Max Roqueta e foguèt un dels fondadors d'una associacion Amistats Max Roqueta que son prètzfach es de far conéisser l'òbra d'aquel grand escrivan occitan. Consacra un sit internet "Montpelhièr l'occitana" a la presentacion del sosdialècte montpelhieirenc del lengadocian (vocabulari - amb de lexics - e produccion literària). Mai recentament a mes en linha un sit en anglés per far conéisser mai largament la poesia occitana: "occitan poetry". Es dempuèi decembre de 2008 president del PEN-club de lenga d'òc[1]

Es secretari de la Societat Internacionala d'Emoreologia Clinica e s'interèssa activament a l'espeleologia.

Bibliografia[modificar | modificar la font]

  • Lo retrach dau dieu Negre (roman fantastic) (1986)
  • Setembralas (roman)(1992)
  • Lo temps clar de las encantadas (nòvas) (2005)
  • Luònh (narracion) (2006)
  • Ciutats dins l'Azur (recuèlh de nòvas de 2009)
  • Las que dançavan dins la lutz (2012)
  • Flors d'errança (2017)
  • Lo bales dialectic (un libre de lenga e de cultura occitana montpelhierenca)[2]

e tres recuèlhs de poèmas:

  • Estius e Secaresas (recuèlh de poèmas de 1979)
  • Lo doç esglai (recuèlh de poèmas de 2003)
  • Legendari de las despartidas (recuèlh de poèmas de 2009)

Vejatz tanben[modificar | modificar la font]

Ligams extèrnes[modificar | modificar la font]

Referéncias[modificar | modificar la font]

  1. "PEN-club de lenga d'òc"
  2. Lo balès dialectic
LengadòcArmas de Lengadòc