Jenna Ortega

Jenna Marie Ortega (Palm Desert, Califòrnia, 27 de setembre de 2002) es una actritz americana. Sa carrièra artistica foguèt entamenada tre son enfància. Trobèt fama gràcias a son ròtle de Young Jane dins la sèria de comèdia e drama de The CW Television Network: Jane the Virgin entre 2014 e 2019.

Sa celebritat cresquèt puèi a partir de son interpretacion d'Harley Diaz dins la sèria del Disney Channel Stuck in the Middle tre 2016, çò que li valguèt l'Imagen Award per melhor actor jove de television en 2018. Foguèt tanben la votz de la princessa Isabel dins la sèria d'animacion del Disney Channel Elena d'Avalor de 2016 a 2020.

En 2019 interpretèt Ellie Alves durant la segonda sason de la sèria thriller de Netflix You e mai tard foguèt protagonista principala del film familiar realizat tanben amb Netflix Yes Day en 2021. Recebèt mantes elògis de la critica per son ròtle dins lo drama adolescent The Fallout (2021) e joguèt un ròtle important dins los films X e Scream de 2022, e s'impausèt coma una de las reinas dels crits (en anglés: scream queen). En aquel meteis an, Ortega interpretèt lo ròtle principal de Dimècres Addams dins la sèria fantastica de Netflix Wednesday.

Referéncias

Ligams extèrns