Joan de Lugio

Un article de Wikipèdia, l'enciclopèdia liura.
(Redirigit dempuèi Jean de Lugio)

Joan de Lugio es, vèrs 1230-1240, lo pensaire màger del catarisme, dins l'escòla del dualisme absolut (que se distinguís del dualisme mitigat de la comunautat de Concorezzo).

Biografia: un catar[modificar | Modificar lo còdi]

Joan de Lugio nascut a Bergam, dins la region de Lombardia, Itàlia. Es lo filh màger de l'avesque de Desenzano. Foguèt avesque de sa comunautat catara de Desenzano vèrs 1250. Escriguèt un gròs tractat, perdut, dont Raynier Sacconi daissèt un brèu analisi, e un ensemble de 7 pichons tractats, lo tot gropat jol títol: Libre dels dos principis, qu'es conservat, en latin (Liber de duobus principiis).

Pensada: lo dualisme absolut[modificar | Modificar lo còdi]

Segon Joan de Luigio, dos principis regnan dins l'univèrs, son totes los dos etèrns, mas son inegals. L'un es lo Ben, Dieu, l'autre es lo Mal. «Las idèas mèstras de Jean de Lugio son las de totes los dualismes absoluts. 1) Las doas creacions son coetèrnas a lors creators: procedisson d'eles coma los rais emanan del solelh. I a donc totjorn lo Mal, dels diables, de las armas corrompudas. 2) La corrupcion - l'òbra del marrit principi - a exercit sos degalhs sus totas las creaturas» (Renat Nelli).

Nèga lo liure-arbitre.

Presenta lo Crist coma un àngel enviat pel Paire per desliurar sos àngels, qu'a agut una vertadièra carn, qu'a fach de miracles, qu'es mòrt, enterrat, ressuscitat mas «dins un autre mond, superior, pas dins lo nòstre» (in alio superiori mundo e non in isto).

Notas e referéncias[modificar | Modificar lo còdi]

Bibliografia[modificar | Modificar lo còdi]

Tèxte[modificar | Modificar lo còdi]

  • René Nelli, Écritures cathares. La totalité des textes cathares traduits et commentés. La Cène secrète, Le livre des deux principes, Traité cathare, Le rituel occitan, Le rituel latin, Planète, 1968, 253 p. Rééd. revue avec Anne Brenon, éditions du Rocher, 2011, 352 p.
  • Le livre des deux principes, par Jean de Lugio ou son entourage, Le Grand livre du mois, coll. "Les trésors de la littérature", 1998. Traduction du Liber de duobus principiis.
  • A. Dondaine, Le liber de duobus principiis, Rome, 1939.

Estudis[modificar | Modificar lo còdi]

  • René Nelli, La philosophie du catharisme : le dualisme radical au sègle XIII, Paris, Payot, 1975. Privat, 1988.
  • Fay Martineau, "Deux principes antagonistes et un Sauveur. Les cathares italiens du sègle XIII et le Liber de duobus principiis' ", Heresis, n° 29, 1999, p. 7-29.
  • Michel Roquebert, La Religion cathare, Perrin 2001 ; Collection "Tempus" n° 259, 2009.
  • Pilar Jiménez-Sanchez, Les catharismes, Presses Universitaires de Rennes, 2008, p. 252-261.
  • David Zbiral, "Jean de Lugio et l'auteur du Liber de duobus principiis ", 2014 [1]

Veire tanben[modificar | Modificar lo còdi]

Articles connèxes[modificar | Modificar lo còdi]

Ligams extèrnes[modificar | Modificar lo còdi]