Jean Leloup

Jean Leloup, de son nom vertadièr Jean Leclerc, nascut lo 14 de mai de 1961 au Canadà, es un autor, compositor, interprèt pop ròck francés.

Nascut a Sainte-Foy dins l'aglomeracion quebequesa en 1961, Jean Leclerc a viscut una part de son enfància en Africa, mai precisament au Tògo e en Argeria. Se retròba d'influéncias d'aquel periòde de sa vida dins mantunas de sas cançons.

Apren la guitarra en escotant la musica ròck dels Rolling Stones, dels Beatles e de Jimi Hendrix. Es tanben influenciat per la pop francesa coma Jacques Dutronc, Jacques Higelin, Serge Gainsbourg e Michel Polnareff.

Participa brèvament a l'opèra-ròck francés Starmania de Michel Berger e Luc Plamondon en 1986. Monta sus l'empont a Montreal coma Jean Leloup a la fin de las annadas 1980. Tre la debuta de sa carrièra, se fa remarcar pr'amor de sas cançons aus tèxtes provocants. Es d'alhor lo cas de sa cançon la mai coneguda, 1990, inspirada de l'actualitat cauda al moment de sa composicion : l'aviada de la primièra guèrra del Golfe. Aqueste títol, oficialament cantat per Jean Leloup et La Sale Affaire, serà un tube a la debuta de l'annada 1992 dins los païses francofòns (en Occitània tanben)^[1].