Jean Le Rond d'Alembert
| Jean le Rond d'Alembert | |
 | |
| Naissença | 16 de novembre de 1717 París |
|---|---|
| Mòrt | 24 d'octobre de 1783 París |
| Signatura |  |
modificar  |
|
Jean le Rond d'Alembert (París, 16 de novembre de 1717 - París, 24 d'octobre de 1783) foguèt un matematician e filosòf francés.
La seuna filosofia se caracterizèt per la tolerància en general e l'escepticisme dins lo domeni de la religion e de la metafisica. S'especializèt dins la filosofia naturala e redigiguèt lo discors preliminar de l'Encyclopédie dirigida per Denis Diderot.
Abordèt las matematicas a travèrs de la fisica, amb lo problèma dels tres còrses (impossibilitat de trobar d'equacions de las trajectòrias - inestabilitat del sistèma), la precession dels equinòccis (rason del limpament de las sasons), las còrdas vibrantas (diferents biais de vibracion - aplicacion a la musica). Aquò lo menèt a estudiar las equacions diferencialas e las equacions de las derivadas parcialas. Inventèt tanben un critèri per estudiar la natura (convergéncia o divergéncia) de cèrtas serias, lo critèri de d'Alembert.
La seuna òbra mestressa foguèt lo tractat de dinamica, ont enoncièt lo teorèma que porta son nom (Principi de d'Alembert). Lo Teorèma fondamental de l'algèbra recep en França lo nom de Teorèma de d'Alembert - Gauss perque d'Alembert foguèt lo primièr qu'ensagèt de lo demostrar.
