Jean-Louis Debré

Un article de Wikipèdia, l'enciclopèdia liura.
Jean-Louis Debré a la 30a Fièra du libre de Briva, lo 5 de novembre de 2011

Jean-Louis Debré, nascut lo 30 de setembre de 1944 a Tolosa, es un òme politic francés. Ancian president UMP de l'Assemblada nacionala, presidís lo Conselh Constitucional dempuèi lo 5 de març de 2007.

Elements biografics[modificar | Modificar lo còdi]

Jean-Louis Debré es lo filh de Michel Debré, ancian Primièr ministre, e lo fraire de Bernard Debré, mètge celèbre e deputat. Es tanben lo felen del pediatre Robert Debré e, del costat mairal, de l'arquitècte Charles Lemaresquier. Es tanben nebot del pintre Olivier Debré. E, es l'arrièr peichon filh del grand rabbin Simon Debré (1854-1939). Amb son esposa Anne-Marie Debré, mòrta lo 21 de juilh de 2007, aguèron tres enfants: Charles Debré, lo jornalista Guillaume Debré e l'actritz Marie-Victoire Debré.

Obtenguèt una licencia en drech e foguèt elegit pel primièr còp en 1986 (deputat d'Eure) e Ministre de l'Interior dins los govèrns d'Alain Juppé.

Ordonèt en 1996 l'expulsion de 300 estrangièrs en situacion irreguliara qu'occupavan la glèisa de Sant Bernat a París[1],[2].

D'una granda fidelitat a Jaume Chirac, s'opausèt mai d'un còp a Nicolas Sarkozy.

De 2002 à 2007, foguèt president de l'Assemblada Nacionala.

Lo 23 de febrièr de 2007, Jaume Chirac lo nomenèt president del Conselh Constitucional

Nòtas e referéncias[modificar | Modificar lo còdi]

  1. Dominique Simonnot, Le souvenir de Saint-Bernard, Libération, 3 septembre 2002
  2. Ibid : http://tempsreel.nouvelobs.com/actualites/politique/20070223.OBS4025/jeanlouis_debre.html

Vejatz tanben[modificar | Modificar lo còdi]

Wikimedia Commons prepausa de documents multimèdia liures sus Jean-Louis Debré.

Articles connèxes[modificar | Modificar lo còdi]

Ligams extèrnes[modificar | Modificar lo còdi]