Jardin de las Plantas de Montpelhièr

Lo Jardin de las Plantas de Montpelhièr es un jardin botanic universitari que fa partit del patrimòni de l'Universitat de Montpelhièr 1. Es lo mai ancian jardin botanic en França. Ten una tripla vocacion: botanica, istorica e universitària.

A sa fondacion en 1593 per Pierre Richer de Belleval, lo Jardin de las plantas de Montpelhièr èra destinat a la cultura de las « simplas », mas lo projècte de Richer lèu despassèt las solas plantas medicinalas que servissián a l’ensenhament dels futurs mètges e apoticaris per venir un vertadièr luòc d’estudi botanic, novèl a l’epòca.

Istorica

Al començament del sègle XVII, lo Jardin de las Plantas de Montpelhièr foguèt en mai d'un jardin scientific, amb la seuna granda colleccion de vegetals, un jardin davancièr dins lo biais d’abordar lo monde vegetal dins sa diversitat, reprodusent diferents mitans (ombragat, solelhat, umide, sablenc, peirós…) e consacrant un luòc per las plantas exoticas.

Lo jardin botanic ara

La seuna valor pedagogica essent reconeguda, es frequentat per nombre de botanistas, mètges e farmacians, escolans e estudiants mas tanben, per d'amators de la flora, dels toristas e de fòrça amoroses de la natura e de las plantas. Lo Jardin de las Plantas, que s'espandís sus 4,6 ectaras, es proprietat de l’Estat, afectat a l’Universitat de Montpelhièr 1 e gerit per l’UFR medecina.

Es un dels mai bèls elements del patrimòni païsatgièr de Montpelhièr e es classat atal depuèi 1982 e Monument istoric dempuèi 1992. Sa restauracion, comencèt en 2010, amb la reabilitacion de la serra Martins e l'amenatjament dels a l'entorn.

Informacions practicas

Lo jardin de las plantas se visita, la dintrada es gratuita.

Oraris de dubertura:

estiu (del 1^èr de junh al 30 setembre) totes los jorns de 12 h a 20 h levat dilus
ivèrn (del 1^èr d'octobre al 31 de mai) totes los jorns de 12 h a 18 h levat dilus

L'Institut de botanic bastit en 1889 pel professor Charles Henri Marie Flahault e que tòca lo Jardin, es una proprietat de l'Universitat de Montpelhièr 2.

Quelques donadas sul Jardin de las plantas de Montpelhièr

Classat site protegit dempuèi lo 12 de febrièr de 1962, Monument istoric dempuèi del 3 de setembre de 1992.
Superfícia: 46 460 m²
Collections :
- Nombre de vegetals fòra: 2 200 espècias que 760 arbres.
- Nombre de vegetals en serras : 1 000 espècias, repartidas entre : l'oranjariá (1804), las serras Planchon : cinc chapèlas que la mai granda es dedicada a las plantas de l'América de Sud, la serra Martins : cactacèas e plantas succulentas, la serra Harant : arbrilhons tropicals.
Estatuas : una quinzena de bustes de mètge naturalistas avent obrat al jardin, lo monument de Rabelais (1921) e lo tombèl de Narcissa (1785-1810), Estatua de Carl von Linné.
Foncion pedagogica

Personnalitats ligadas al Jardin botanic de Montpelhièr

Pierre Richer de Belleval, Intendent de 1593 a 1632
François Boissier de Sauvages, Intendent de 1740 a 1758
Antoine Gouan, director de 1794 a 1803
Augustin Pyrame de Candolle, director de 1807 à 1816

Qualques fotografias del Jardin botanic de Montpelhièr

Lo Jardin botanic de Montpelhièr (vista 1)
Lo Jardin e vista sus l'observatòri astronomic
L'estanca dels lotus
Vinha en « trelha »

Veire tanben

Nòtas e referéncias

Bibliografia

(fr)Rioux, Jean Antoine. Le Jardin des plantes de Montpellier. Graulhet : Odyssée, 1994, 230 p. ISBN 2-909478-01-7
(fr)Rioux, Jean Antoine. Le Jardin des plantes de Montpellier : les leçons de l'histoire. Montpellier : Sauramps Médical, 2004, 114 p. ISBN 2-84023-307-X
(fr)Rioux, Jean Antoine. "Le jardin des plantes de Montpellier : origine, évolution, avenir" Sites et monuments (bulletin de la Société pour la protection des paysages et de l'esthétique de la France) n° 195 (octobre 2006) - pp. 32–35
(fr)Jarry, Daniel & Balmès, Michel. Les Plantes médicinales au jardin botanique : vade-mecum au jardin des plantes de Montpellier. Montpelhièr : Sauramps Médical, 2004, 104 p. ISBN 2-84023-368-1
(fr)Jarry, Daniel M. Le jardin des plantes de Montpellier : à découvrir ou à redécouvrir. Montpellier : Sauramps Médical, 2008, 90 p. ISBN 978-2-84023-549-1