Italo disco
.jpg)
L'Italo disco es un genre musical derivat del disco que, coma son nom l'indica, es nascut en Itàlia a la fin de las annadas 1970. Lo tèrme italo disco es atribuït a Bernhard Mikulski, lo fondator del labèl discografic alemand ZYX Music : aquela apellacion a aital servit dins un primièr temps a comercializar l'estili en defòra d'Itàlia. L'italo disco es en seguida vengut un genre musical vertadièr.
A la fin de las annadas 1970 e a la debuta de las annadas 1980, d'unes artistas disco italians (coma mantuns autres grop e cantaires europèus al meteis periòde), obtenon de succès dins las discotècas americanas, en particular a Chicago e a Detroit. Per passar la barrièra de la lenga, los productors italians de disco van recrutar cantaires anglofòn, quite d'alhors a los anar directament cercar dins un país anglofòn. Aital, l'Italian Giorgio Moroder foguèt lo productor en 1977 de la cançon I feel Love de la cantaira de disco de soca afro-americana Donna Summer, cançon fondamentala dins l'istòria de l'italo disco pr'amor que foguèt justament lo primièr tube de disco « electronic » jogat a cent del cent al sintetizor.
Après aqueste resson dins la fin des las annadas 1970 en America, l'italo disco ven en seguida dins las annadas 1980 un genre fòrça popular en Itàlia e dins d'autres païses d'Euròpa, ambe un pic de popularitat entre 1983 e 1986. L'italo disco desapareis cap a 1989, probablament pr'amor de la concurréncia de la house music que li succedís entre 1987 e 1990, e que n'es estat d'alhors una de las influéncias.
L'italo disco èra caracterizat per un son fòrça sintetic. Es a n'aquel títol mai electronic que lo disco « classic » e deriva puslèu dels artistas que dins lo disco privilegiavan l'emplec principal del sintetizor. Coma exemples d'artistas de disco « sintetic » que son a la sorga del son de l'italo disco de caps 1977-1978, en mai de Giorgio Moroder jà evocat, se pòt citar tanben los franceses Cerrone (que d'alhors es d'origina italiana) e lo grop Space.
Aital, quitament se l'italo disco es contemporanèu de la synthpop ambe la quala pòt i aver confusion, en realitat l'italo disco es, coma son equivalent american la Hi-NRG, un derivat dirècte del jos genre « sintetic » del disco, mentre que la synthpop ela es un jos genre de la new wave britanica, a n'aquel títol un derivat indirècte de la musica electronica del grop alemand Kraftwerk. De segur, la musica de Kraftwerk avent de tot biais jogat un ròtle indenegable dins l'usatge del sintetizor en çò de d'unes artistas disco, la parentat musicala entre la synthpop e l'italo disco deu pas res a l'azard, mas vertadièrament a d'originas e d'influéncias comunas.
L'italo disco foguèt fòrça criticat, en Itàlia en particular, pr'amor que lo genre èra percebut coma lo resultat de l'opression culturala anglofila americana sus la cultura italiana vist que, per se poder exportar, i a agut una causida « comerciala » assumida dels productors d'aquela musica de recrutar de cantaires anglofòns per evitar d'aver a emplegar la lenga italiana, jutjada « mens vendeira ». D'aquel ponch de vista e de pr'amor de sa natura meteissa, l'italo disco es de còps percebut coma un simple jos genre local (Italian) de la hi-NRG americana.
Lista d'artistas d'italo disco
[modificar | modificar lo còdi]- Baltimora
- Alberto Carrara
- Casco
- Den Harrow
- Valerie Dore
- Klein + M.B.O.
- Finzy Kontini
- Koto
- Fun Fun
- Gazebo
- Ken Laszlo
- La Bionda
- Gary Low
- Sandy Marton
- Miko Mission
- Moon Ray, Topo & Roby
- Giorgio Moroder
- P. Lion
- Ryan Paris
- Pino D'Angiò
- Silver Pozzoli
- Raf
- Ricchi e Poveri
- Righeira
- Sabrina
- Scotch
- Spagna
Lista de qualques tròces emblematics de l'italo disco
[modificar | modificar lo còdi]| Annada | Artista | Tròç |
|---|---|---|
| 1978 | La Bionda | One for You, One for Me |
| Giorgio Moroder | Chase | |
| 1979 | La Bionda | Bandido |
| 1980 | Pino D'Angiò | ‘Ma quale idea |
| 1981 | La Bionda | I wanna be your lover |
| Ricchi e Poveri | Sarà perché ti amo | |
| 1982 | Klein + M.B.O. | Dirty Talk |
| Gary Low | You Are A Danger | |
| Ricchi e Poveri | Made in Italy | |
| 1983 | Alberto Carrara | Disco King |
| Casco | Cybernetic Love | |
| Fun Fun | Happy Station | |
| Gazebo | Masterpiece | |
| I Like Chopin | ||
| My Mine | Hypnotic Tango | |
| P. Lion | Happy Children | |
| Ryan Paris | Dolce Vita | |
| Righeira | Vamos a la playa | |
| 1984 | Alberto Carrara | Shine on Dance |
| Fun Fun | Colour My Love | |
| Gazebo | Love in Your Eyes | |
| P. Lion | Dream | |
| Raf | Self Control | |
| Ricchi e Poveri | Voulez-vous danser | |
| Righeira | No Tengo Dinero | |
| Savage | Don't Cry Tonight | |
| 1985 | Baltimora | Tarzan Boy |
| Den Harrow | Future Brain | |
| Valerie Dore | Get Closer | |
| The Night | ||
| Finzy Kontini | Cha cha cha | |
| Koto | Visitors | |
| Ken Laszlo | Hey Hey Guy | |
| Sandy Marton | People from Ibiza | |
| Miko Mission | How Old Are You? | |
| Moon Ray | Comanchero | |
| Ryan Paris | Fall in Love | |
| Silver Pozzoli | Around my dream | |
| Savage | Only You | |
| Scotch | Disco Band | |
| Take Me Up | ||
| Topo & Roby | Under the Ice | |
| 1986 | Den Harrow | Bad Boy |
| Charleston | ||
| Ken Laszlo | Tonight | |
| Sandy Marton | Exotic and erotic | |
| Spagna | Easy Lady | |
| 1987 | Sabrina | Boys (Summertime Love) |
| Spagna | Call Me | |
| Dance dance | ||
| 1988 | Sabrina | Hot Girl |
| All of me | ||
| Voulez-vous coucher avec moi (Lady Marmalade) | ||
| Spagna | Every Girl and Boy | |
| Topo & Roby | Set on Fire | |
| 1989 | Spagna | I wanna be your wife |