Ipocamp

Un article de Wikipèdia, l'enciclopèdia liura.
Anar a : navigacion, Recercar

Leis ipocamps ò chivaus marins (var. chivalet de mar) (Hippocampus) son un genre de peis d'aletas raionadas de la familia dei Syngnathidae. N'existís un cinquantenau d'espècias que vivon dins leis aigas temperadas e tropicalas.

Leis ipocamps an una forma fòrça caracteristica que sembla an aquela d'un chivau. Segon leis espècias, sa talha varia entre 22 mm e 36 cm e sa durada de vida de 2 a 4 ans. Son còrs es cuirassat e protegit per una tiera d'anèus ossós que li permet de nadar verticalament. Generalament, vivon estacat a una alga e caçan de crustacèus pichons. Per aquò, an d'uelhs ben desvolopats, una boca que permet d'aspirar rapidament sa preda e pòdon s'amagar entre leis algas.

La reproduccion es particulara qu'es lo mascle qu'assegura la gestacion deis uòus que son ponduts dins sa pòchi ventrala per la femèla. Lo periòde de gestacion dura de 2 a 3 setmanas e un segond cicle de reproduccion pòu començar immediatament après lo premier.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]