Invasion Anglosovietica d'Iran
L’Invasion Anglosovietica d'Iran designa l'invasion militara d'Iran per lo Reiaume Unit e l'URSS durant la Segonda Guèrra Mondiala. L'operacion se debanèt dau 25 d'aost au 17 de setembre de 1941. L'objectiu èra d'empachar lo raliment d'Iran a l'Aisse, d'ocupar lei regions petrolieras d'Abadan e d'assegurar una rota d'avitalhament vèrs l'URSS. Lei Sovietics intrèron dins lo país dempuei lo nòrd e lei Britanics ataquèron a partir d'Iraq e d'Índia. Quauqueis unitats iranianas assaièron de resistir, mai l'opcion de la negociacion foguèt rapidament chausida per Teheran. Lo chah Reza Pahlevi, sospichat de simpatia proalemanda, abdiquèt e foguèt remplaçat per son fiu, l'ambaissador alemand foguèt expulsat e Iran s'engatjèt clarament dins lo camp aliat. La màger part dei fòrças aliadas foguèron alora retirada, mai de tropas demorèron dins lo país fins a 1946.
Liames intèrnes
[modificar | modificar lo còdi]Bibliografia
[modificar | modificar lo còdi]- (fr) Basil Liddell Hart, Histoire de la Seconde Guerre mondiale, Fayard, 1973.
Nòtas e referéncias
[modificar | modificar lo còdi]