Indulgéncia (catolicisme)
Una indulgéncia es, dins la Gleisa Catolica, una remission totala o parciala de la pena temporala encorreguá en causa d'un pecat ja perdonat. Aquela remission pòt s'obtenir en complissent un romavatge, de preieras especialas, de visitas de relíquia o un juni, en participant a de messas especialas, en realizant un present a la Gleisa, etc. Las indulgéncias aguèron un ròtle important dins l'istòria de la Gleisa car foguèron un dels otís utilizats per installar e renforçar l'autoritat dau clergat al sen de la societat. Per exemple, las Crosadas foguèron en partia motivaas per una indulgéncia pleniera acordaa als crosats. Pasmens, las indulgéncias participèron pereu au desvolopament de la simonia e de la corrupcion al sen dau clergat. Foguèron ansin una causa de la Reforma protestanta. Aquò entraïnèt de reformas e las indulgéncias actualas, definias per lo concili de Vatican II, an una dimension mai espiritualas.