Imre Lakatos
Imre Lakatos (9 de novembre de 1922, Debrecen - 2 de febrier de 1974, Londres) es un filosòfe ongrés dau segle XX.
D'origina josieva, s'engatjèc dins la resisténcia durant la Segonda Guerra Mondiala, çò que li permetèc d'eschapar a la politica d'exterminacion dels josieus ongrés organizaa per los Alemands en 1944. Après la guerra, venguèc foncionari al sen de las administracions culturalas e universitàrias, mas foguèc arrestat per « revisionisme » en 1950. Liberat en 1953, se concentrèc sus l'estudi de las matematicas. Participèc a l'insureccion de Budapèst en 1956 e deguèc quitar son païs après l'invasion sovietica. Se refugièc a Londres onte foguèc professor a la London School of Economics dinque a sa mòrt[1].
Disciple de Karl Popper (1902-1994), foguèc l'autor d'una teoria de l'epistemologia scientifica. Segon eu, l'istòria de las matematicas es pas reductibla a la demostracion dau verai. Una demostracion es ansin una invitacion a la contestacion, çò que permet de « refrescar » regularament los objectes matematics. Aqueu trabalh inspirèc fòrça la filosofia dau pluralisme scientific desvolopaa per Paul Feyerabend (1924-1994). Pasmens, foguèc tanben criticat per aver sosestimat l'importància dels axiòmas dins lo foncionament de las matematicas[2].
Ligams internes
[modificar | modificar lo còdi]Bibliografia
[modificar | modificar lo còdi]Nòtas e referéncias
[modificar | modificar lo còdi]- ↑ (en) Matteo Motterlini, « Donald Gillies. Imre Lakatos. Paul K. Feyerabend. On the Threshold of Science: For and Against Method », The British Journal of the Philosophy of Science, vol. 47, n° 3, 1996.
- ↑ (fr) H. Dilberman, « Homo mathematicus ? », L'Enseignement philosophique, vol. 53, t. 6, 2003, pp. 4-20.