Immortal Ayatollah

Un article de Wikipèdia, l'enciclopèdia liura.
Salta a la navegació Salta a la cerca

Immortal Ayatollah qu'ei un grop de metal biarnés e gascon de Pau.

Biografia[modificar | modificar la font]

Si'n cau créder los musicians, que decidín de crear aqueth grop lo 11 de seteme de 2001. que deishèn lavetz lo lor ancian projecte death-indus Transnational Dying Phallus e que comencèn de compausar çò qui aperavan a l'epòca "islamist black-death-grind". A penas lo grop format, que hasón mantuns concèrts dab ua boèita de ritmes e en cambiant sovent de persona tà tiéner lo micrò e gular dessùs. Puish que trobèn un trucaire e un cantaire permanents. Qu'enregistrèn un disc autoprodusit : The Djihad has just begun e qu'obrín un sit internet on se podè descargar agratís. Immortal Ayatollah, solide, qu'avè un concèpte particular : las loas cançons que hasèn l'apologia deu fanatisme islamista. Ja que hasossen aquò entà se trufar deu monde (nat deus musicians n'èra pas musulman), lo fòrum deu lor sit internet qu'estó viste cargat de hòrt de messatges d'insultas... mes tanben de sostien, de la part de fondamentalistas islamistas vertadèrs! L'existéncia deu grop qu'estó braca. En 2003, qu'ac deishèn e lo guitarrista e lo trucaire que formèn lo grop Nauar.

Discografia[modificar | modificar la font]

  • The Djihad has just begun (que's pòt enquèra descargar a l'adreça [www.nauar.fr.cx])


Membres[modificar | modificar la font]

Nauar : Guitarra

Benoît : cant

Roger : Guitarra e votz

Nicolas : bateria