Ienishs
Los ienishs (en alemand : Jenische, adjectiu : jenisch o Jeniš) son una etnia seminomada europèa d'ascendéncia non formalament determinada. Se son especializats dins las activitats de banastariá e de merçariá, çò que lor valguèt l'escai de vanniers en Soíssa romanda, en Alsàcia, en Lorena e endacòm en França.
Tenon sa lenga pròpria, lo ienish, derivada principalament de l'alemand, del yiddish e de l'ebrèu e incluent tanben de vocabulari romaní, çò que situa son istòria dins l'Euròpa de lenga germanica. Se tròban encara principalament dins los païses de lenga alemanda e frontalièrs : en Alemanha (Renània, Bavièra), en Soïssa (Argòvia, Sant Galh, Grisons), en Àustria (Tiròl, region de Viena), en França (Alsàcia, Lorena), en Luxemborg, en Belgica (Valonia), en Ongria. En Occitània se son installats dins Gard, en Ardecha, dins lo Massís Central.