Ibtissame Lachgar
Ibtissame Lachgar, tanben escaissada Betty Lachgar (en arab: ابتسام لشكر; Rabat, Marròc, agost de 1975) es una psicològa, feminista e activista pels dreches de l'òme e LGBT marrocana.[1] Es cofondadora del Movement MALI (Movement Alternatiu per las Libertats Individualas), e explicitament atèa dins un país ont l'ateïsme es rar.
Lo 10 d'agost de 2025, en seguida d'una publicacion que faguèt a la fin del mes de julh sus la ret sociala X, que i publicava un pòst d'una fotografia, presa a Londres, sus la que portava un camiset amb l'inscripcion «Allah is lesbian» (Allà es lesbiana) foguèt arrestada, e aprèp una garda, finalament mesa en detencion. La fotografia teniá tanben un autre messatge en francés que disiá: ‹‹Totas las religions son fallocratas e misoginas››. Una enquèsta es estada obèrta per la justícia marrocana.