Helene Schjerfbeck

Un article de Wikipèdia, l'enciclopèdia liura.
Sauter à la navigation Sauter à la recherche
Fotografia d'Helene Schjerfbeck.

Helene Schjerfbeck (10 de julhet de 1862, Helsinki - 23 de genier de 1946, Saltsjöbaden) es una pintora finlandesa de la fin dau sègle XIX e de la premiera mitat dau sègle XX. Coneguda per son estile realista e seis autoretrachs, participèt a plusors salons prestigiós a París e poguèt viatjar dins mai d'un país europèu (Reiaume Unit, Russia, Alemanha...).

Intrada dins una escòla de dessenh associativa d'Helsinki tre 11 ans, ne foguèt diplomada en 1877. Contunièt alora seis estudis artistics gràcias au sostèn financier dau pintre Adolf von Becker. Aquò li permetèt de descubrir lei tecnicas de pintura francesas. En 1879, arribèt tresena au concors nacionau organizada per l'associacion deis arts de Finlàndia. L'an seguent, anèt a Par½s per completar sa formacion e expausèt divèrseis òbras entre 1882 e 1884. En 1889, ganhèt la medalha de bronze de l'Exposicion Universala de París.

Dins lo corrent deis ans 1890, ensenhèt regularament a l'escòla de dessenh de l'associacion deis arts. Pasmens, a partir de 1901, sa santat se desgradèt grèvament e abandonèt son pòste en 1902. Puei, son refús de participar au movement romantic nacionau dirigit per Akseli Gallen-Kallela entraïnèt sa marginalizacion. S'isolèt alora per perseguir son trabalh basat sus lo realisme e s'interessèt en particular a son environament. Durant la Segonda Guèrra Mondiala, s'enfugiguèt en Suècia onte moriguèt en 1946.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]