Guèrra de Cremonides

Un article de Wikipèdia, l'enciclopèdia liura.
Anar a : navigacion, Recercar


Còde QRpedia d'estampar per un accès dirècte a aquèth article
Donadas
d · m
Guèrra de Cremonides
Picto infobox conflict.png
[[Imatge:|250px]]
Descripcion de la bandièra
Descripcion dau blason
Descripcion deu sagèth
Latitud
Longitud
Informacions generalas
Picto infobox conflict.png
Data 268 - 261 avC
Luòc Grècia
Casus belli Revòuta de ciutats grègas còntra la dominacion macedoniana
Eissida Victòria macedoniana
Belligerants
Picto infobox conflict.png
Coalicion de ciutats-estats dirigida per Atenas e Esparta Macedònia

La Guèrra de Cremonides es un conflicte de l'Antiquitat grèga que se debanèt de 268 a 261 avC. Opausèt lo reiaume de Macedònia a una coalicion d'estats grècs que desiravan rebutar la dominacion macedoniana sus la region. Pasmens, la guèrra s'acabèt per una victòria dei Macedonians que confirmèron lor dominacion sus Grècia.

Lo conflicte acomencèt per la formacion d'una aliança entre Atenas e Esparta còntra la preséncia macedoniana. Divèrsei ciutats intrèron tanben dins aquela aliança coma Elis, Tegea, Mantinèa o l'Achaïe. La guèrra se debanèt sus tres fronts principaus :

  • au nòrd de Peloponés onte leis Espartens assaièron de prendre la fortalesa macedoniana de Corint. Foguèron replegats en 267, 266 e 265. Lo darrier assai foguèt marcat per la mòrt dau rèi Areus Ièr.
  • l'oèst onte lo rèi d'Epira assaièt d'envaïr Macedonia per sostenir leis Atenencs. Pasmens, foguèron esquichats en 262 avC.
  • l'Atica onte lei Macedonians realizèron lo sètge d'Atenas que deguèt capitular en 261 avC.

Après sa desfacha, Atenas perdiguèt la màger part de son poder : leis institucions de la ciutat gardèron solament un ròtle limitat, una tresena garnison macedoniana foguèt installat sus son territòri e un governador macedonian diriguèt la vila durant uneis annadas. Dins lo rèsta de Grècia, lo contraròtle macedonian foguèt tanben tornarmai installat.