Grumman F4F Wildcat
.jpg)
Lo Grumman F4F Wildcat es un caçaire embarcat estatsunidenc desvolopat a la fin deis ans 1930 e intrat en servici en 1940. Participèt a la Segonda Guèrra Mondiala dins lo camp aliat amb aperaquí 7 900 exemplaris produchs.
Es subretot famós per son engatjament sus lo frònt pacific ont èra tecnicament dominat per lo caçaire japonés A6M en causa d'una motorizacion tròp feble. Pasmens, lo F4F èra dotat d'un blindatge eficaç, capable de suportar de degalhs importants, e lei pilòts estatsunidencs inventèron de tacticas de combat novèlas que li permetèron de resistir fins a l'arribada massísa d'aparelhs pus competitius coma lo F6F Hellcat e lo F4U Corsair au començament de 1943. Après aquela data, lei F4F foguèron subretot utilizats sus lei pòrta-avions d'escòrta.