Granda Muralha de China

Un article de Wikipèdia, l'enciclopèdia liura.
Anar a : navigacion, Recercar
Tièra de 1000 articles que totas las Wikipèdias deurián aver.
La Granda Muralha en ivèrn

La Granda Muralha de China (en chinés tradicional 萬里長城, en chinés simplificat 万里长城, Wànlǐ Chángchéng) es una fortificacion chinesa bastida a partir del sègle V abans de Crist e acabada al començament del sègle XVII pr'amor de protegir las divèrsas dinastias de las atacas dels Huns, dels Mongòls, dels Turcs, e autres grops etnics nomadas que venián de çò qu'es actualament Mongolia e Manchória. Maitas muralhas, sonadas generalament coma la Granda Muralha de China, foguèron bastidas tre lo sègle V abans de Crist, que la mai famosa n'es la que se construiguèt entre 220 BC e 200 BC pel primièr Emperaire de China, Qin Shi Huang. Aquesta muralha se situava mai al nòrd que la fortificacion actuala construïda pendent la dinastia Ming, e sos vestigis son escasses.

La Granda Muralha es l'estructura pus longa del mond facha per l'òme. S'espandís sus un territòri immens (6352 km), del còl de Shanhai a la Mar de Bohai a l'èst, al limit entre "China proper" e Manchória (la China del nòrd-èst), a Lop Nur dins la part sud-èst de la region autonòma de Xinjiang Uygur. Dins sa pus granda partida, la muralha delimita a la gròssa la frontièra entre lo nòrd de China e la Mongolia interiora.