Gorgoroth
Gorgoroth es un grope de black metal format en 1992 a Bergen en Norvègia per Infernus, Hat e Goatpervertor. Lo grope cambièt de sòcis pron de còups dins lo corrent de son istòria, levat Infernus. Lo nom Gorgoroth s'inspira dau Senhor deis Anèus. Lo tèma principau de Gorgoroth es lo satanisme.
Lo grope traversèt una crisi juridica que contunha encara. D'efècte, Gaahl e King Ov Hell si separèron d'Infernus en octòbre de 2007, e lo nom e lo lògo de Gorgoroth siguèron disputats entre lei dos partits. Gaahl e King contunhèron d'utilizar lo nom dau grope dins de concèrts, mai Infernus, que trobèt de sòcis nòus per sa version dau grope, leis enseguissèt e ganhèt lo procès lo 10 de març de 2009.