Gims
Gandhi Djuna, dich Maître Gims, o simplament Gims, nascut a Kinshasa al Còngo lo 6 de mai de 1986, es un rapaire e cantaire popular francés de soca congolesa, tanben menaire del grop de rap Sexion d'Assaut.
Gandhi Djuna es lo filh de Djanana Djuna, lo cantaire del grop Papa Wemba. Sa familha a emigrat en França quand aviá 2 ans sonque.
En 2013, Maître Gims publica son primièr album sòlo, Subliminal, qu'obten còp-sec una gròssa capitada dins los païses francofòns, n° 2 en França e quitament n° 1 en Valonia : aqueste album portat pels tubes J'me tire e Bella s'es vendut a mai d'un milion d'exemplars e a impausat durablament Gims coma un cantaire popular de primièr plan en França, Occitània compresa.