Ghislaine Maxwell

Ghislaine Noelle Marion Maxwell (Maisons-Laffitte, França, 25 de decembre de 1961) es una milionària e membre de la jet-set britanica. Actualament, e dempuèi 2020, es en preson^[1] acusada de pedofilia^[2]

Filha del multimilionari e arpalhand Robert Maxwell, s'installèt als Estats Units aprèp la mort estranha de son paire en 1991. Venguèt puèi una associada plan intima del financièr american Jeffrey Epstein, que foguèt implicat dins d'afars de prostitucion de menors. Maxwell i joguèt un ròtle important de cap a l'establiment de contactes e relacions politics e socials internacionalament e creèt una ret que compreniá mantas personalitats notablas coma per exemple lo Prince Andrew, Donald Trump, Bill Clinton e l'avocat american Alan Dershowitz.

Fondèt lo Projècte TerraMar, un grop de proteccion de l'ocean que foguèt actiu a partir de 2012.

Maxwell foguèt arrestada durant la matinada del 2 de junh de 2020 aprèp una intervenció de l'FBI dins una mansion luxuosa de Bradford, un vilatjòt de l'estat de Nòu Hampshire.

Referéncias

↑ «Ghislane Maxwell, l'amant de Jeffrey Epstein, culpable de tràfic sexual de menors», 2021-12-30. [Consulta: 2022-04-29]
↑ «Ghislaine Maxwell, la 'madame' de l'elit mundial», 2020-07-14. [Consulta: 2022-04-29]

[1] «Ghislane Maxwell, l'amant de Jeffrey Epstein, culpable de tràfic sexual de menors», 2021-12-30. [Consulta: 2022-04-29]

[2] «Ghislaine Maxwell, la 'madame' de l'elit mundial», 2020-07-14. [Consulta: 2022-04-29]

[1]

[2]