Holodomòr
Lo Holodomòr (en ucraïnian: Голодомо́р, mot bastit a partir de голод ('fam, talent') e del vèrb морити ('morir')) es lo genocidi ucraïnian que se debanèt en 1932-1933 dins las regions ucraïnianas de l'estat rus sovietic (Ucraïna e regions vesinas de populacion majoritàriament ucraïniana). Après la capitada de la collectivizacion al començament de las annadas 1930, lo govèrn rus decidiguèt de n'acabar amb lo nacionalisme ucraïnian [1][2] en provocar la famina (confiscacion de recòltas e quitament d'aliments). Moriguèron aperaquí 5 milions d'ucraïnians, un quart gaireben del pòble ucraïnian.[3]
La despopulacion d'Ucraïna e del Coban permetèt una colonizacion russa qu'es utilizada per Russia dins los conflictes del començament del sègle XXI en Ucraïna e al Nòrd del Caucàs.
Los cazacs patiguèron tanben[3] d'aquela politica de "genocidi abans russificacion" de l'estat sovietic.
Lo 28 de novembre de 2006, lo Parlament d'Ucraïna aprovèt una proposicion de lei que declarèt aqueste periòde de fam forçada foguèt un acte de genocidi contra lo pòble ucraïnian. En 2008 lo Parlament Europèu reconeguèt l'Holodomòr coma un crim contra l'umanitat, en jutjar que s'agissiá d'una famina provocada e d'un "crim contra lo pòble ucraïnian e contra l'umanitat".
Referéncias
[modificar | Modificar lo còdi]- ↑ .
- ↑ [1]. ISBN 9780674036529.
- ↑ 3,0 et 3,1 "Comme cela devrait être clair désormais, nous avons affaire à ce qu’il serait plus correct d’appeler, au niveau soviétique, les famines de 1931-1933 qui eurent naturellement des causes communes et un arrière-plan comparable, mais qui comprennent au moins deux phénomènes dont l’importance est aussi grande que leurs différences : la famine kazakhe avec les épidémies de 1931-1933 et le Holodomor ukrainien et du Kouban (une région du Caucase du Nord appartenant à la République russe mais alors peuplée principalement d’Ukrainiens) de fin 1932 au début 1933.", Andrea Graziosi, "Les famines soviétiques de 1931-1933 et le Holodomor ukrainien", Cahiers du monde russe, n°46/3, 2005.