Gürcan Gürsel
| Gürcan Gürsel | |
|---|---|
 Daniel Bultreys (esquèrra) e Gurcan Gürsel (drecha) a la Fièra del libre de Brussèlas | |
| Pseudonim | Gürsel |
| Naissença | Lo 15 març de 1959, Turhal, Turquia |
| Nacionalitat | Turquia |
| Ocupacion | Dessenhaire e escrivan |
| Genre | Esports, Humor |
Gürcan Gürsel (nascut lo 15 de març de 1959 a Turhal, Turquia) es un dessenhaire e tanben autor de benda dessenhada turc. Es lo creator de mantuna serias originalas, sustot Top 15.
Vida e òbra
[modificar | modificar lo còdi]Gürcan Gürsel frequentèt l'Acadèmia de las Bèlas arts d'Istambol de 1977 a 1981. Trabalhèt pendent mai de 20 ans dins la revista satirica turca de critica sociala Gırgır, mas tanben per las revistas Çarşaf, Fırt, Laklak, Avni, Fırfır e Dıgıl. Trabalhèt tanben per l'edicion turca de la revista satirica estatsunidenca Mad.
En 1988, mudèt en Belgica e creèt mantunas serias de bendas dessenhadas plan popularas en França e en Belgica. Son estil de dessenh s'inspira de la tradicion de l'Escòla Marcinelle. Al delà de l'aspècte umoristic, sas bendas dessenhadas esportivas se distinguisson per un lagui grand del detalh dins los movements.