Veire la font de Front de Liberacion Nacionala (Argeria)

[[Fichièr:Six chefs FLN - 1954.jpg|vinheta|Lo sièis caps istoric del FLN au començament de la Guèrra d'Argeria.   ''Cap a la drecha'': [[Rabah Bitat]], [[Mostefa Ben Boulaïd]], [[Didouche Mourad]], [[Mohammed Boudiaf]], [[Larbi Ben M'Hidi]] e [[Krim Belkacem]].]]
Lo '''Front de Liberacion Nacionala''' abreujat '''FLN''' (en ''[[arabi]]'' جبهة التحرير الوطني‎) foguèt lo principal movement [[Nacionalisme|nacionalista]] pendent la [[Guèrra d'Argeria|guèrra d’Argeria]] e lo [[partit politic]] unic d'[[Argeria]] fins a [[1989]]. Uèi, lo partit capdèla encara Argeria.

Lo FLN foguèt fondat en [[novembre]] de [[1954]] amb qualques ancians membres del [[Movement per lo Trionf de las Libertats Democraticas]] (MTLD) de l'ancian militant nacionalista [[Messali Hadj]].

Lo FLN e sa branca armada, l'[[Armada de Liberacion Nacionala]] (ALN) s'engatgèt dins una lucha contra l'[[empèri colonial francés]].  En [[1955|1958]], lo FLN formèt un govèrn provisòri, lo [[GPRA]]. Es amb lo GPRA que França negocièt en [[1962]] los [[acòrds d'Evian]], que metèron fin a la guèrra d'Argeria.

== Istòria ==
Sa primièra aparicion se traduguèt dins los faches per d'atacas mai o mens desordenadas contra l'[[Fòrças armadas de França|armada francesa]], las installacions militaras, los comissariats, los magasins, los equipaments de comunicacions, e los bastiments publics, principalament dins [[Aurès]] e en [[Cabilia]]. Aquelas atacas, que prenguèron puèi lo nom de ''Totsants roge'', s'acompanhèron de la declaracion dicha del «1èr de novembre de 1954», dins la quala lo FLN convidava lo pòble d'Argeria a s'associar a la «lucha nacionala».

Lo movement s'estructurèt puèi gràcia subretot a la plataforma politica del [[Congrès de la Soummam]] d'agost de [[1956]], organizat principalament per [[Abane Ramdane]] qu'afirmava la «primautat del politic sul militar» e de «l'interior» sus «l'exterior» (es a dire, aqueles dirigents en exili al [[Lo Caire|Caire]] e a [[Tunis]]).

== Ideologia ==
L'[[ideologia]] del FLN es principalament nacionalista, compresa coma un movement a l'interior d'un [[nacionalisme arab]] mai larg. Lo partit tira sa politica d'autolegitimacion de tres fonts: lo nacionalisme e la guèrra revolucionària contra França (ideologia [[Colonialisme|anticoloniala]]); lo [[socialisme]], vagament interpretat coma un credo antiexpleitacion populara; l'[[islam]], definit coma lo fondament principal de la consciéncia nacionala e factor determinant dins la consolidacion de l'identitat argeriana coma distinta d'aquela dels [[Pè negre|argerians franceses]] pendent lo periòde colonial.

== Dirigents ==

=== President ===

*[[1988]]-[[1991]] : Chadli Bendjedid

=== President d'Onor ===

* Dempuèi [[2005]] : [[Abdelaziz Bouteflika]]

=== Secretaris generals ===

*[[1962]]-[[1963]] : Mohamed Khider
* 1963-[[1965]] : [[Ahmed Ben Bella]]
*[[1967]]-[[1974]] : Kaïd Ahmed <small>(interim)</small>
*[[1977]]-[[1979]] : Mohamed Salah Yahiaoui <small>(interim)</small>
* 1979-[[1988]] : Chadli Bendjedid
* 1988-[[1996]] : Abdelhamid Mehri
* 1996-[[2001]] : Boualem Benhamouda
* 2001-[[2004]] : Ali Benflis
* 2004-[[2005]] : Abdelkrim Abada <small>(interim)</small>
* 2005-[[2013]] : Abdelaziz Belkhadem
* 2013-[[2016]] : Amar Saadani
* 2016-[[2018]] : Djamel Ould Abbes
* 2018-[[2019]] : Mouad Bouchareb <small>(interim)</small>
* 2019 : Djamel Ould Abbes
* dempuèi lo [[30 d'abril]] de 2019 : Mohamed Djemiai

[[Categoria:Politica d'Argeria]]
[[Categoria:Partit politic nacionalista]]