Fraire

Lo fraire (var. frair, gascon: hrair) es lo parent mascle –biologic o social– nascut dels meteisses parents, o del meteis paire o maire, coma un autre. La condicion d'èsser fraire es dita frairessa, frairetat, frairiá o fraternitat.

Lo fraire mai grand en atge es lo (fraire(e) o hrair) màger, grand o l'ainat.

Lo fraire mai pichon en atge es lo benjamin, lo (fraire(e) o hrair) mendre o menut o lo minhòt, o lo cabdèt (en gascon: capdèth) e colloquialament lo cachaniu, caganís/caganid/caganiu, cagairòl, cagandre, cacandre, cacambre, caganen, cagatrauc, capcoat, coasson, cogossòu, cova-niset, peton, rasclon o tardon (en gascon: escarranid, escarra-sac, escarralh, coarro o engranhon).

Lo fraire a travèrs del paire o de la maire es dit mièg fraire o frairastre (en gascon: miei frair/hrai, frair/hrair de mieitat, frairast(r)e/hairast(r)e).

Quand es a travèrs del paire solament es dit fraire de paire. Quand es a travèrs de la maire solament es dit fraire de maire o fraire uterin.