Fotbòl Club de Barcelona

Un article de Wikipèdia, l'enciclopèdia liura.
Anar a : navigacion, Recercar
Fotbòl Club de Barcelona
140px-FC Barcelona logo.gif
Club fondat en 1899
Escais Barça, Blaugrana, Culers
Colors Blau e granat
Estadi Camp Nou
President Sandro Rosell
Entraïnaire Pep Guardiola
Campionat La Liga

Flag of Catalonia.svg


Lo Fotbòl Club de Barcelona, popularament conegut jos lo nom de Barça, es un club de fotbòl professional basat a Barcelona, Catalonha, Espanha. Lo Barça es lo club europèu pus titolat del sègle XXIen[1] e un dels clubs pus titolats de l'istòria : son palmarès li val d'aparéisser al tresen reng europèu del classament dels clubs de fotbòl del sègle XXen e al primièr reng mondial per lo decenni 2001-2010 segon l'IFFHS. Dins las annadas 2010, lo FC Barcelona es considerat coma lo club pus popular d'Euròpa. Etablits dins l'estadi del Camp Nou, que remplacèt en 1957 l' estadi de Les Corts, los blaugranas an ganhat vint e tres campionats, vint e set Copas d'Espanha, cinq Ligas dels campions, quatre Copas dels venceires de copa, tres Copas de las vilas de fieira e doas Copas del monde dels clubs.

L'istòria del FC Barcelona ne faguèt un dels pòrtadrapèu de Catalonha e del catalanisme, un ròtle soslinhat per sa devesa « més que un club ». Çò qu'empacha pas lo club d'aver de suportaires fòra de Catalonha. Entreten una anciana e prigonda rivalitat amb lo Real Madrid, lo club de la capitala espanhòla. Son duèl, conegut coma el Clásico, decidís regularament de l'eissida del campionat d'Espanha que los dos clubs dominan largament lo palmarès. Las doas institucions son las solas, amb l'Athletic Bilbao, d'aver participat a totas las edicions de la Primera División dempuèi sa creacion en 1929.

Ligam extèrne[modificar | modificar la font]