Fonolita
 Fonolita de Hohentwiel | |
| Tipe | phonolitoid (en)   |
|---|---|
| Textura | Microlitica |
| Color | Gris clar a fòrça fosc |
| Categoria | Ròca magmatica |
La fonolita, es una ròca magmatica volcanica d'estructura microlitica fluidala. De color grisa a verdenca, o fòrça fosca dins lo cas de las fonolitas negras de Teide (Tenerife), Es compausada de feldspat, de feldspatoïd e d'una pasta de veire pauc abondanta. La fonolita se debita en lausas.
Proprietats e utilizacions
[modificar | modificar lo còdi]Las fonolitas se caracterizan per una tenor moderada a nauta en silici, des concentracions nautas en metals alcalins (K, Na) e pòdon presentar un enriquiment en tèrras raras.
En rason de sa microstructura e de sa textura minerala especiala, dita fonolitica, caractérizada per l'arrengament imbricat de cristals de grans fins, aquesta ròca magmatica emet un son caracteristic, clar e gaireben métallic, quora òm tusta una lausa amb un martèl[1]. Es aquesta proprietat que li balhèt son nom (compausat del prefix -fon, del grèc ancian φωνή, phônê, « son », e del sufix lito-, del grèc ancian λίθος, lithos, « pèira » : la pèira de son).
En mai, la fonolita transmet e rebat fòrça plan las ondas sonoras : las vòutas bastidas en fonolita de la sala del resson de l'abadiá de la Chasa-Dieu aurián permes de confessar los leproses a 8-10 mètres de distància, mas aquesta explicacion es discutida. Aquò demòra pels curioses una experiéncia estonanta : un mormolh demòra perfiechament parfaitement ausible, e mai per una persona situada a l'oposat de la sala. Existís tanben una fonolita de grenats, pèira rara qu'existís dins l'archipèla de Marquesas (sus l'illa d'Ua Pou solament), en Brasil, en Etiopia e dins lo Massís Central[2].
- ↑ «Phonolite: Properties, occurrence, compositions » Geology Science» (en anglés). Geology Science.
- ↑ .