Fongicid

Los fongicids son de pesticids utilizats per eliminar los campairòls parasits o sas espòras. Los campairòls pòdon entrainar de damatges grèus en agricultura, de perdas de rendament e de qualitat. Los fongicids son utilizats a l'encòp en agricultura e per combatre las infeccions fongicas en çò dels animals. Los fongicids son tanben utilizats per contrarotlar los oomicèts, que son pas taxonomicament/geneticament de campairòls, e mai se partejan de metòds similars per infectar las plantas. Los fongicids pòdon èsser de contacte, translaminari o sistemic. Los fongicids de contacte penetran pas dins los teissits de la planta e aparan sonque la planta a l'endrech ont son depausats. Los fongicids translaminaris redistribuisson lo fongicid de la partida superiora de la fuèlha pulverizada cap a la partida inferiora non pulverizada. Los fongicids sistemics son absorbits e redistribuits a travèrs los vaissèls de xilèma..