Ferhat Abbas
.jpg)
Fehrat Abbas (24 d'aost de 1899, Chahna - 24 de decembre de 1985, Argier) es un òme politic nacionalista argerian dau segle XX. Farmacian de Setif, fondèc en 1938 l'Union Populara Argeriana e publiquèc lo Manifeste dau Pòple Argerian en 1943. Vengut una figura dau corrent nacionalista desirós de reformar l'Argeria Francesa sensa demandar l'independéncia, fondèc l'Union Democratica dau Manifeste Argerian en 1946 e foguèc elegit a l'assemblaa constituenta. Après lo refús de son projecte, jonhèc l'insureccion e ocupèc las foncions de president dau Govern Provisòri de la Republica Argeriana de 1958 a 1961. Après l'independéncia, foguèc elegit deputat de Setif e president de l'Assemblaa Nacionala. Pasmens, s'opausèc rapidament a la politica de raprochament amb l'Union Sovietica iniciaa per Ahmed Ben Bella e deuguèc demissionar en 1963. Excluch dau FLN, foguèc brevament arrestat en 1964-1965. Se retirèc alora de la vida politica, mas publiquèc plusors libres sus la guèrra o la corrupcion instauraa per los regimes de Ben Bella e de Boumédiène.