Fallout
Fallout es un videojòc de ròtle, desvolopat e editat per Interplay Entertainment, qu'es sortit en 1997. Lo quadre dau jòc se situa dins un univèrs post-apocaliptic compausat dei vestigis d'una civilizacion ucronica, que sembla a la societat estatsunidenca deis ans 1950, victima d'una guèrra nucleara entre leis Estats Units e China. Lo protagonista es un abitant d'un abric de proteccion nucleara situat en Califòrnia. Es encargat per lo cap de sa comunautat de trobar un compausant electronic indispensable a la subrevida de l'abric.
Considerat coma lo successor espirituau dau videojòc Wasteland sortit en 1988, Fallout utiliza un sistèma desvolopat per lo jòc, lo SPECIAL, que seguís sèt caracteristicas principalas. Recebèt un acuelh fòrça positiu e foguèt un succès comerciau a l'origina de plusors seguidas (Fallout 2, Fallout 3, Fallout 4...)[1] .