Vejatz lo contengut

FV-101 Scorpion

Un article de Wikipèdia, l'enciclopèdia liura.
Fotografia d'un FV-101 Scorpion durant la Guèrra de Kowait en 1991.

Lo FV-101 Scorpion es un carri leugier britanic desvolopat dins lo corrent deis ans 1960. Destinat a de missions de reconoissença e ai tropas aeroportadas, es un blindat leugier de 8,07 t armat d'un canon de 76 ò de 90 mm[1] e d'una mitralhièra de 7,62 mm. L'equipatge, protegit per un blindatge de 12,7 mm, compren tres personas.

Au mens 4 000 exemplaris foguèron produchs per l'armada britanica e per l'exportacion[2]. D'efiech, en causa de sa velocitat (80 km/h) e de massa febla, lo FV-101 Scorpicion foguèt adoptat per 23 país a partir de 1973. Participèt ansin a la Guèrra dei Malvinas, a la Guèrra Iran-Iraq e a la Guèrra de Kowait. I foguèt utilizat per de missions de reconoissença, per sostenir d'atacas de l'infantariá ò per combatre d'autrei blindats. Dins aqueu darrier cas, obtenguèt de resultats marrits car son armament e son blindatge li permèton pas de combatre de carris de combat[3].

Lo FV-101 Scorpion foguèt retirat dau servici dins l'armada britanica en causa d'un problema sus la proteccion NBC. Foguèt remplaçat per lo FV-107 Scimitar. Belgica, l'autre utilizaire important, o remplacèt per de veïculs dotats de ròdas. Pasmens, en 2020, lo FV-101 es totjorn en servici dins plusors armadas sud-americanas, africanas ò asiaticas.

Liames intèrnes[modificar | Modificar lo còdi]

Bibliografia[modificar | Modificar lo còdi]

  • (en) Christopher F. Foss e Peter Sarson, Scorpion Reconnaissance Vehicle 1972-94, Osprey Publishing, 1995.

Nòtas e referéncias[modificar | Modificar lo còdi]

  1. La version armada d'un canon de 90 mm èra principalament destinada a l'exportacion.
  2. Una partida de la produccion se debanèt en Belgica.
  3. En particular, lei FV-101 iranians foguèron utilizats còntra de T-62 iraquians armats d'un canon de 125 mm e d'un blindatge frontau de 100 a 220 mm.