Exercici fisic
L’exercici fisic, ò entraïnament, es una activitat fisica destinada a melhorar ò mantenir sa forma fisica e sa santat globala. Pòu prendre de formas variadas que permèton, segon lei besonhs, de redurre ò de mantenir son pes, de desvolopar sei capacitats muscularas e cardiovascularas, de perfeccionar seis aptituds esportivas ò de se divertir. Fòrça exericicis fisics permèton tanben de socializar e de melhorar la santat mentala car son realizats a l'exterior ò en grop. Lo nivèu d'exercici fisic recomandat varia segon lei país, mai aperaquí 150 minutas d'exercici moderat cada setmana son conselhadas per leis institucions mai importantas (en particular l'OMS). Pasmens, de duradas inferioras permèton tanben d'obtenir d'efiechs positius[1].