Exarcat de Ravenna

L'Exarcat de Ravenna èra una division territòriala de l'Empèri Bizantin situada en Itàlia. Existiguèt entre lei sègles VI e VIII e gropèt totei lei possessions bizantinas dins la peninsula en vista de facilitar e de melhorar lor defensa còntra leis atacas barbaras. Maugrat sa disparicion en 751 après la conquista de Ravenna per lei Lombards, lei Bizantins capitèron de tenir lo sud d'Itàlia fins au sègle X.