Ettore Bastico

Ettore Bastico en 1940.

Ettore Bastico (9 d'abriu de 1876, Bolonha - 2 de decembre de 1972, Roma) es un manescau italian de la Segonda Guèrra Mondiala.

Oficier durant la Premiera Guèrra Mondiala, venguèt generau de bregada en 1927 e generau de division en 1932. Recebèt ansin divèrsei comandaments durant la Segonda Guèrra d'Etiopia e au sen dau còrs expedicionari italian engatjat en Espanha durant la guèrra civila. En 1940, foguèt nomat governaire deis illas de Dodecanès. Un an mai tard, venguèt governaire de Libia e cap dei fòrças italianas en Africa dau Nòrd. En teoria, èra ansin lo comandant de l'Afrikakorps d'Erwin Rommel e de tensions opausèron regularament lei dos òmes. Foguèt promogut après la nominacion de Rommel a aqueu reng. Pasmens, après la desfacha d'El Alamein, Mussolini decidèt de li retirar son comandament e Bastico aguèt ges de ròtle dins la perseguida dau conflicte. Venguèt istorian militar après 1945.

Liames intèrnes

• Segonda Guèrra Mondiala.