Estela binària

Un article de Wikipèdia, l'enciclopèdia liura.
Salta a la navegació Salta a la cerca
Un imatge del telescòpi espacial Hubble de Sirius, un sistèma binari, dins lo qual Sirius B se pòt veire clarament (en bas a l'esquèrra)

Una estela binària es un sistèma de doas estelas ligadas fisicament per la fòrça de gravitacion e que, viran a l'entorn d'un centre de massa comun; per aquesta rason viran l'una a l'entorn de l'autra. Los sistèmas estellars binaris son fòrça importants en astrofísica, pr'amor que l'observacion de sas orbitas permet de ne determinar la massa. Aital, las massas de nombrosas estelas simplas pòdon èsser determinadas per extrapolacion a partir de las observacions realizadas sus las estelas binàrias.

Lo tèrme "estela binària" foguèt inventat per William Herschel en 1802 pour indicar una vertadièra estela dobla, es a dire l'union de doas estelas ligadas ensemble per las leis de la gravitacion.

Las estelas binàrias son classadas en fonccion de sas proprietats observablas : binària visuala, binària astrometrica, binària spectroscopica e binària amb eclipsi. Las estelas pòdon aperténer a mai d'una d'aquelas categorias. Una autra classificacion en tres categorias es basada sus la distància de las estelas : las binàrias destacadas, las binàrias mièg destacadas e las binàrias amb contacte. Dins aquel cas, las estelas binàrias son sovent d'estelas variablas.