Nombre d'oxidacion

Lo nombre d'oxidacion (n.o.), o gra d'oxidacion (d.o.), es lo nombre de cargas elementàrias realas o fictivas que pòrta un atòm dins una espècia quimica (molecula, radical o ion). Aquel nombre, que descriu l'estat d'oxidacion de l'atòm, caracteriza l'estat electronic de l'element quimic correspondent en tot considerar la carga reala (dins lo cas d'un ion monoatomic) o fictiva (s'aqueste element es combinat).