Estam (botanica)

Estams d'un Hippeastrum amb d'anteras prominentas cargadas de pollèn.

Los estams (del latin stamen) son los organs reproductors mascles de las flors. Cada estam a generalament una camba apelada filament (del latin filum), e, a la cima del filament, una antèra (del grèc ancian anthera), e de sacs de pollèn, sonats esporangis. Lo desvolopament dels esporangis e dels gametofits aploïdes que conten, (sonats gran de pollèn) es fòrça comparable amb los esporangis dels gimnospèrmas o de las falguièras eterosporas. Lo pollèn es desliurat per la dobertura de l'antera (deïscéncia), generalament per de fendas longitudinalas, mas de còps que i a per de pòres, coma dins la familha de las brugas (Ericaceae), o per de valvas, coma en çò de l'agradèla (Berberidaceae), puèi va caire o serà carrejat per un agent extèrne; lo vent, l'aiga o un animal, fins a la superfícia receptiva del carpèl de la meteissa flor o d'una autra flor, que serà puèi pollinizada.