Espeleologia
L’espeleologia es una activitat scientifica e esportiva que consistís a explorar e estudiar lei cavitats naturalas dau sòu coma lei baumas, leis avencs ò lei rius sosterranhs. Es apareguda a la fin dau sègle XVIII. Pasmens, lo tèrme « espeleologia » foguèt inventat per lo Francés Émile Rivière (1835-1922) en 1890 e la dimension scientifica de la disciplina apareguèt amb lei trabalhs d'Édouard-Alfred Martel (1859-1938). Uei, l'espeleologia a donat naissença a divèrsei sosdisciplinas coma l'estudi deis ecosistèmas ò dei clima sosterranhs. Es tanben una disciplina auxiliara de la paleontologia e de l'arqueologia.