Òme de Cròsmanhon

Un article de Wikipèdia, l'enciclopèdia liura.
Grattoir de Cro-magnon - Collection de "Louis Lartet" - Museum de Toulouse.

L'òme de Cròsmanhon (var. òmi de Cròsmanhon) es un tipe d'Homo sapiens qu'abitèt dins de caunas d'Euròpa ont s'es trapat de pinturas rupèstras d'animals uei estenches que visquèron durant lo Pleistocèn.

Cròsmanhon es una cauna d'Occitània ont se trapèt un fossil d'aquel tipe uman. Lo geològ Loís Lartet descubriguèt los primièrs cinc esquelets en març de 1868 dins l'abric de Cròsmanhon (pròche de las Aisiás, en Peiregòrd, region d'Occitània). Sa talha mejana èra d'1,85 m, superiora de 25 cm a la de sos predecessors. Es lo primièr representant d'Homo sapiens o òme actual, e son arribada marca lo començament del Paleolitic Superior. Aviá lo nas grand, lo menton prominent e lo front grand. L'arribada de l'òme de Cròsmanhon es ligada a l'industria litica apelada Aurinhacian que foguèt identificada pauc abans la descubèrta de las rèstas fossilas. Viviá dins de caunas e temporàriament dins de campaments (tendas) a l'aire liure. Caçava en grop; los animals grands, amb trapèlas; e los pichons, amb pèiras e flèchas. La femna culhiá de fruches. Se crei qu'èra pas nomada. Son adaptacion al mitan e sa capacitat fisica e culturala èra fòrça superiora a la de l'òme de Neandertal que, sens tèrras de caça, combatuts, desapareguèt coma espècia. Son arribada en Euròpa se poguèt produsir en ondadas. D'en primièr arribariá una tribú qu'ocupariá mantuna tèrra dels neandertalians. Cal pas pensar qu'entre los neandertalians i aviá un sentiment d'unitat. La lucha supausada entre los òmes de Cromanhon e los de Neandertal comencèt probablament coma una concurréncia simpla per la caça. A la fin del Paleolitic superior, l'òme de Cròsmanhon s'èra ja impausat dins la zòna, e l'òme de Neandertal èra desaparegut.

Ligams[modificar | Modificar lo còdi]

Wikimedia Commons prepausa de documents multimèdia liures sus Òme de Cròsmanhon.

[[]]