Transpòrt d'idravions

Un article de Wikipèdia, l'enciclopèdia liura.
Fotografia dau naviri francés Foudre, premier transpòrt d'idravions, ambé sei gruas e son envan.

Un transpòrt d'idravions es un naviri de guèrra que sèrv de basa flotanta per emplegar d'idravions. Au contrari dei pòrta-avions e dei pòrta-elicoptèrs, lo transpòrt d'idravions a ges de pònt d'envòl. Leis idravions son mandats amb una catapulta e amaran a proximitat dau vaissèu. Es tanben equipat de gruas per recuperar leis avions e d'un envan per leis entrepausar.

Aqueu tipe de naviri foguèt subretot utilizat durant la premiera mitat dau sègle XX, principalament per de missions de reconoissença. Lo concèpte foguèt abandonat après la Segonda Guèrra Mondiala en causa de la superioritat deis avions embarcats sus lei pòrta-avions.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]