São Paulo (ciutat)
 | |||||
| |||||
| |||||
| Geografia fisica | |||||
| Coordenadas | 23° 32′ 52″ S, 46° 38′ 09″ O | ||||
| Superfícia | 1 522,986 km² | ||||
| Geografia politica | |||||
| País |  Brasil
| ||||
| Geografia umana | |||||
| Populacion (?) |
11 895 893 ab. | ||||
| Autras informacions | |||||
| http://www.capital.sp.gov.br/portal/ | |||||
São Paulo es la mai granda vila de Brasil, la mai granda d'America del Sud, e la capitala de l'Estat de São Paulo. Sa populacion èra estimada a 11,8 milions abitants en 2013. La populacion de la metropòli de São Paulo (la vila amb 38 autras vilas) es de mai de 20 milions d'abitants. Es situada a 1020 km de la vila de Brasília, 420 km de la vila del Rio de Janeiro e 78 km del pòrt de Santos.
Lo mètro de São Paulo a 75 km d'extension, 4 linhas e 65 estacions. La primièra linha foguèt inaugurada en 1974. Tanben a 258,5 km de camins de fèrre en superfícia, mai de 15 000 autobuses e 7 milions d'automobilas.
La vila es tanben sèti de l'importanta Universitat de São Paulo, fondada en 1934 e una de las principalas universitats d'America del Sud, e tanben d'autras importantas institucions d'ensenhament superior.
Istòria[modificar | Modificar lo còdi]
Foguèt fondada lo 25 de genièr de 1554 pels paires jesuistas Manoel da Nóbrega e José de Anchieta, amb lo nom São Paulo de Piratininga. Foguèt transformada en vila en 1711.
Aprèp la construccion del camin de fèrre entre Santos e Jundiaí en 1867, seguida de l'installacion de las primièras industrias e de l'immigracion (principalament d'italians, portugueses, espanhòls e, aprèp 1908, japoneses), São Paulo coneguèt una creissença fòrta de sa populacion: en 1900 i aviá 240 000 abitants; en 1940 èran 1,3 milions.
Dempuèi la Segonda Guèrra Mondiala, lo creis de l'industrializacion, lo creis de la natalitat, e la migracion de brasilièrs d'autras regions (principalament del Nòrd-èst brasilièr) a aumentat significament la populacion: 1,3 milions en 1940, 2,2 milions en 1950, 3,8 milions en 1960, 5,9 milions en 1970, 8,47 milions en 1980.
Economia[modificar | Modificar lo còdi]
Actualament São Paulo es lo primièr centre bancari, comercial, industrial e de servicis de Brasil. De grandas bancas e entrepresas an lors sètis socials dins la ciutat. La Borsa de Valors de l'Estat de São Paulo es una de las pus importantas de l'America Latina. La region de l'Avenguda Paulista es coneguda coma lo còr financièr de la ciutat. São Paulo es considerada la 19ena pus rica vila del mond.
Actualament i a mai de 30 modèrnes Shopping Centers dins la ciutat.
