Robèrt Boulin

Un article de Wikipèdia, l'enciclopèdia liura.
Castèth de Vilandraut

Robèrt Boulin ( Robert, en francés, Vilandraut, lo 20 de julhet de 1920 - lo son còs que ho trobat dens un estanc deu bòsc de Rambouillet lo 30 d'octòbre de 1979) que ho un òmi politic gascon, resistant actiu en França durant la Segonda Guèrra Mondiala, pròche de Charles de Gaulle, mantua vegada ministre e cònsol de Liborna.

Durant lo mandat deu president francés Valèri Giscard "d'Estanh" que ho ministre, e que morí en exercici dens çò qu'ei conegut com lo Cas Boulin. Qu'èra tanben estat ministre deus presidents Charles De Gaule e Jòrdi Pompidor.

La soa mort, presentada e jutjada un purmèr còp com un un suicidi, que demòra un cas tornat ubèrt per la justícia francesa per'mor las fautas e inconsciéncias grossièras dens l'enquista be dan totas la aparéncias d'estar estadas volontàrias e contitueishen un dossièr de gran endom d'intimidacions e d'interferéncias e d'òrdres dats aus oficièrs de polícia, mètges, jutges e aute personau judiciari entà forçar a la conclusion d'un suicidi.

Liborna

La familha (sa molher, son hilh, sa hilha e lo son espós), jornalistas (com Benoît Collombat), lo realizator Pierre Aknine (que desvolopè la soa tèsi sota forma de ficcion inspirada peu cas dens lo son film Crime d'État), e mantun media que sospèctan un assassinat politic comanditat e realizat per membres deu Service d'Action Civique (o SAC) autorn de l’òmi politic provençau Carles Pasqua, de Jacques Foccart (responsable deus ahars' africans de la Republica Francesa) d' Achille Peretti, tanhent de la molhèr deu (joen alavètz) futur president francès Nicolas Sarkozy.

En ehèit, Boulin, com ancian ministre de l'economia que semblava d'estar au hiu de mantun ahar en relacion dab l'entoratge de Jaume Chirac qui cercava e har cabussar Giscard e tanben Jacme Chaban-Delmas, alavètz rival de Chirac e en bona posicion per vàder president, a l'ora que Boulin èra pressentit per vàder purmèr ministre.