Pierre Corneille

Un article de Wikipèdia, l'enciclopèdia liura.
Pierre Corneille

Pierre Corneille (Roan, lo 6 de junh de 1606 - París, lo 1 d'octobre de 1684) que ho un autor dramatic francés d'origina normanda ; enter las soas òbras las mei conegudas que's poden mentàver : Lo Cid, Horace, Cinna, Polyeucte e l’Illusion Comica.

Vita[modificar | Modificar lo còdi]

Pierre Corneille que vadó a Roan ainat d'ua familha borgesa. Qu'estudiè lo dret entà vàder avocat en 1628, e, arron, que proheitore de las tecnicas de pleitejar atau apresas, hens lo son art.

En 1629, ua mauescaduda amorosa que ho l'encausa deus son debut dramatics en vèrs dab Mélite. Arron que seguín Clitandre, la Veuve, la Galerie du Palais, la Suivante, la Place Royale, Médée e l’Illusion Comica. Aquesta darrèra, qu'ostenda un personatge (lo Matamore) gessit deu Miles Gloriosus latin mes dens ua version de gascon franchimandejaire ; logicament, entà accentuar lo son aspècte burlesc, lo Matamore qu'arrenaga en occitan dehens lo tèxte francés.

En 1641 qu'esposè Marie de Lampérière dab qui avore sèt mainatges.

En 1647 que ho admés dens l'Acadèmia Francesa entà ocupar lo sèti deu son hrair Thomas Corneilles, eth tanben autor dramatic de grana renomada.

De cap a 1650 Corneille que comencè aconéisher la rivalitat agressiva de Jean Racine que s'acabore dab las sortidas de duas pèças de sengles autor suu medish tèma : Bérénice (per Racine) e Tite et Bérénice (per Corneille) qui virè a l'avantatge deu joen picard, qui las soas òbras e's viravan mei de cap a las tensions psicologicas e non pas a l'eroïsme on Corneille excelliva.

Corneille qu'ei un ajòu dirècte de Charlotte Corday.

Òbras[modificar | Modificar lo còdi]

Teatre[modificar | Modificar lo còdi]

Autes[modificar | Modificar lo còdi]

Bibliografia[modificar | Modificar lo còdi]

Edicions modèrnas[modificar | Modificar lo còdi]

  • Œuvres complètes, tome 1, Bibliothèque de la Pléiade, Gallimard, 1980, ISBN 2-07-010946-1
  • Œuvres complètes, tome 2, Bibliothèque de la Pléiade, Gallimard, 1984, ISBN 2-07-011083-4
  • Œuvres complètes, tome 3, Bibliothèque de la Pléiade, Gallimard, 1987, ISBN 2-07-011121-0