Partit Trabalhista (Reialme Unit)
Lo Partit Trabalhista (en anglés Labour Party) es un partit politic britanic de centreesquèrra.
Lo Partit Trabalhista es fondat en 1900 pels sindicats. A partir de las annadas 1920, davanteja lo Partit Liberal e ven l'un dels dos partits principals del Reialme Unit amb lo Partit Conservador.
Aculhís tradicionalament una granda diversitat d'opinions, de fòrtament socialistas a socialdemocratas mas pren un virant centrista e liberal en l'economic dins las annadas 1990 e 2000 (nomenat New Labour) jos la direccion de Tony Blair puèi Gordon Brown, al poder de 1997 a 2010. Çaquelà, l'eleccion al cap del partit en setembre de 2015 de Jeremy Corbyn, membre de l'ala radicala del partit e fòrça critic del bilanç de Blair, marca un retorn a l'esquèrra.
Lo Partit Trabalhista forma actualament l'oposicion oficiala a la Cambra de las Comunas, e dirigís un govèrn minoritari al País de Galas.
Dempuèi 2020, lo cap del partit es Keir Starmer.
Nòtas e referéncias[modificar | Modificar lo còdi]
- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Parti travailliste (Royaume-Uni) ».
