Nebulosa sorna

Un article de Wikipèdia, l'enciclopèdia liura.
Fotografia de nebulosa sorna de la Tèsta de Chivau.

Una nebulosa sorna (tanben dicha nebulosa escura ò nebulosa d'absorpcion) es una region dau mitan interstellar onte la concentracion de poussa es pron importanta per crear una illusion de quasi abséncia estèla. Aqueu tipe de nebulosa son sovent malaisadas d'observar franc dei situacions onte son subrepausadas a una region fòrça luminosa dau cèu. Leis exemples pus coneguts son ansin la nebulosa de la Tèsta de Chivau, la nebulosa dau Còne e lo Sac de Carbon.

Una nebulosa sorna es formada d'una massa de poussa e de gas (principalament d'idrogèn) fòrça superiora a la massa dau Soleu. Sa talha aganta generalament 100 a 150 annadas lutz amb una temperatura mejana de 7 a 15 K. La concentracion de particulas i es de 100 a 300 moleculas/cm3. A generalament un camp magnetic intèrne qu'empacha son afondrament gravitacionau. Pasmens, se una estèla passa a proximitat, son influéncia gravitacionala pòu destabilizar aquel equilibri e entraïnar l'afondrament de nívols de gas. La nebulosa sorna va alora venir una region de formacion d'estèlas e començar pauc a pauc de s'illuminar.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]