Nathaniel Hawthorne

Un article de Wikipèdia, l'enciclopèdia liura.
Nathaniel Hawthorne
Nathaniel Hawthorne old.jpg
Nom de naissença(en) Nathaniel Hathorne Modifica el valor a Wikidata
Naissença4 de julhet de 1804, Bandièra dels Estats Units Salem, Massachusetts
Decès19 de mai de 1864, Plymouth, Nòu Hampshire
Occupacionescrivan

Nathaniel Hawthorne (Salem, Massachusetts, 4 de julh de 1804 - Plymouth, Nòu Hampshire, 19 de mai de 1864) foguèt un escrivan (novelista) american. Es considerat coma una figura clau dins lo desvolopament de las originas de la literatura americana.

Biografia[modificar | Modificar lo còdi]

Nathaniel Hawthorne nasquèt a Salem, Massachusetts, ont i a actualament un musèu consacrat a la siá memòria. Lo paire de Hawthorne èra capitani de vaissèl, descendent de John Hathorne, un dels jutges dels Jutjaments de Salem. Fòrça jove venguèt orfanèl de paire e foguèt confinat per sa maire dins l'ostal familial. L'escrivan descriuriá mai tard aquel periòde coma lo de mès d'erós de la siá vida, mas faguèt tanben qu'aqueriguèsse l'abitud de la solitud.

Un oncle li financèt, entre 1821 e 1824, los estudis al Bowdoin College de Maine, ont faguèt amistat amb Henry Wadsworth Longfellow, qui vendriá après un grand poèta, e mai amb lo futur president Franklin Pierce. Fins a la publicacion del sieu primièr libre Twice-Told Tales, ("Contes dos còps contats"), l'an 1837, Hawthorne escriguèt amb un anonimat total dins l'ostal familial. "Ieu viviá pas –Diriá mai tard–, soniava solament que viviá."

A comptar de l'an 1839, Hawthorne trabalhèt en la Doana del pòrt de Boston. Se maridèt amb la pintora trascendentalista Sophia Peabody en 1842. Lo matrimòni s'installèt a Concord, Massachusetts. Aguèron lai coma vesins als escrivans Ralph Waldo Emerson e Henry David Thoreau.

En 1846 Hawthorne foguèt nomenat inspector de la Doana de Salem, mas perdèt lo sieu trabalh a causa de cambiaments administratius a Washington. Lo 1852 escriguèt la biografia del sieu ancian companh Franklin Pierce. Quand aquel ganhèt las eleccions, Hawthorne recebèt coma recompensa la nominacion de consòl american a Liverpool en 1853. Pr'aquò, qualques ans mai tard, en 1857, renoncièt a aquel cargue e comencèt a viatjar per França e Itàlia. Tornèt als Estats Units amb la siá familha en 1860. Pauc après venguec malaut, e moriguèt l'an 1864, probablament per encausa d'un cancèr de l'estomac, a Plymouth, Nòu Hampshire.